శీతాకాలపు నిండు వెన్నెల పూట
ఏకాంతం ప్రసాదించిన తొలి 'సాంగత్యపు అనుభూతి '
వారి పెదవులపై మౌన ముద్రలు వేసింది
మౌనాన్ని ఛేదిస్తూ ఆమె అడుగులు తోటలోకి పడ్డాయి
ఆతని అడుగులు ఆమెను అనుసరిస్తూ...
సన్నగా వీస్తూ తాకిన చల్ల గాలి ఆమె పరిమళాన్ని మోస్తూ
ఆతన్ని ఆమె పక్కకి రప్పించింది
చేతులు పలకరించుకున్నాయి.
ఒక్కసారిగా అడుగులు తడబడ్డాయి - ఆపై ముందుకు సాగాయి
వెచ్చదనం మౌనాన్ని కరిగిస్తూ ఉంది...
మత్తెక్కిస్తున్న సంపెంగ ఆమెను ఆహ్వానించింది
కను రెప్పలు వాల్చి ఆఘ్రాణ ముద్రలో ఆమె -ఆమెని చూసి మైమరచిపోయిన ఆతడు
ఆమె ముందుకు సాగింది,
తేరుకున్న ఆతను సెంపెంగతో ఆమె కురులని అలంకరించాడు
ఆమె పెదవులపై నవ్వుల పువ్వులు విరిసాయి - దోసెట్లో పట్టే ప్రయత్నంలో ఆతడు!
మరిన్ని పూలు అడుగులకి తివాచీ పరచాయి
చిటికెన వ్రేళ్ళు ఊసులాడుకుంటున్నాయి...
చెట్ల చాటు తొలగిన పండు జాబిల్లిని చూస్తూ నిశ్చలంగా ఆమె
ఆ కన్నుల్లో వెలుగుని చూస్తూ ఆతడు
చేతులు పెనవేసుకున్నాయి, మనో నేత్రాల చూపులు కలిసాయి
ప్రేమైక స్పర్శతో పండిన ఆమె చేతి ఎరుపుని చూసి
చిన్నబోయింది తోటలోని గోరింటాకు!
మనసులు మౌనంగానే మాట్లాడుకుంటున్నాయి...
24 comments:
అవును మనస్సులకి తెలిసిన భాష మౌనమే. కనులకి తెలిసిన భాష కూడా మౌనమే.
ఆఘ్రాణ అని అనుకొంటాను.
మౌనమే నీ బాష ఓ మూగ మనసా.. చాలా బాగుంది.
chala bagundi. manchi feel undi.
@ ప్రతాప్, రమణి, మురళి
చాలా నెనర్లు :-) ప్రతాప్ సరిదిద్దాను...
పునరాగమన స్వాగతం. hope you enjoyed the break.
సన్నగా వీస్తూ తాకిన చల్ల గాలి ఆమె పరిమళాన్ని మోస్తూ ఆతన్ని ఆమె పక్కకి రప్పించింది
ఎంత సటిల్ ఫీల్ అండీ.
వెచ్చదనం మౌనాన్ని కరిగిస్తూ ఉంది... శతాకాలపు వెన్నెల పూట వెచ్చదనమంతా ప్రేమే.
ఒక అందమైన దృశ్యాన్ని కనులముందు ఆవిష్కరింపచేసారు.
@ప్రతాప్ గారూ,
మీరున్నారనే ధైర్యంతోనే నిఘంటువు చూడకుండా ఫోస్ట్ చేసేస్తున్నాం. మీరలా చెపుతూ ఉండాల్సిందే. సరదాగా.
బొల్లోజు బాబా
Good one :)
Good one!
"ప్రేమైక స్పర్శతో పండిన ఆమె చేతి ఎరుపుని చూసి
చిన్నబోయింది తోటలోని గోరింటాకు!"
చాలా బావుంది :-)
:) చాలా బావుంది
మీరు చదువుతున్న పుస్తకాల ప్రభావం మీ మీద బాగా పనిచేస్తున్నట్టు వుంది.చిక్కబడుతున్నాయి భావాలు.చాలా బాగా రాసారు.
అదేంటో కానీ దిలీప్ గారూ, మీ కవితలు/భావాలు చదివితే, కాసేపు అలా స్తబ్దుగా ఉంటే తప్ప వెంటనే మామూలు లోకంలోకి రావటం కష్టం అండీ.
కొన్ని కొన్ని లైన్లు ఎంత గాఢంగా ఉంటాయంటే అవి చదివిన తర్వాత కాసేపటివరకు మౌనంతో స్నేహం చేస్తాను.
చాలా బాగా రాశారు. :)
wow deepu chala bavundi.ela rayagalugutunarandi babu ila.ok any way congrats and all the best
@ పద్మ గారు
చాలా రోజుల తరవాత! ఎలా ఉన్నారు?
చాలా ఏళ్ళుగా ఏదో ఎవరూ లేని ద్వీపంలో చిక్కుకుపోయి తన ఆలోచనలని సంకేతాల రూపంలో పంపిస్తుంటే, ఆ సంకేతాలని ఎవరో యధాతధంగా అర్ధం చేసుకుని తిరిగి స్పందన సంకేతాలు నాకు పంపిస్తే ఎంత సంబరపడిపోతానో మీ కామెంట్ చదివినప్పుడు అలా ఉంది నాకు....
you made my day! and my writings too...
Dileep it's too good as always.Keep going.
నా కామెంట్ కన్నా మీ రిప్లై బావుంది. :)
నేను బానే ఉన్నాను. మీరెలా ఉన్నారు? ఈ మధ్య ఆఫీసులో రక్తం ధారపోసే కార్యక్రమంలో బోల్డు బిజీలెండి. :)
పద్మ గారు,
నేను బాగున్నాను... ఏమీ కాదండి నాకు మీ వ్యాఖ్యే బాగుంది :-) అయితే పని పురుగు అయిపోయారన్నమాట... అయినా ఏకబికిన నాలుగు నెలలు అంత బిజీ బిజీగా ఉంచే ఆ కంపెనీ ఏంటండి...? ఈసారి హెచ్ ఆర్ రాంకుల సర్వే లో తీర్పు నిద్దాము...
ప్రేమైక స్పర్శతో పండిన ఆమె చేతి ఎరుపుని చూసి
చిన్న బోయింది తోటలోని గోరింటాకు!
ఎంత మధుర భావన.మనోద్వేగాల్ని రంజింపచేసిన ప్రకృతి ఎంత చిన్న బోయింది!
చాలా బాగుంది.
మీ ప్రేమ గోరింటాకు చూడ ముచ్చటగా వుందండి..మధురాతి మధురంగా హృదయ లోతుల నుంచి రాసిన మీకు మనః పూర్వక అభినందనలు .
ఆన్నయ్య
మన్స్సులొని బావాలకు కార్యరూపం నీ కవితలు,
అందరి ల గ నాకు పెద్ద పదాలు తెలియవు కాని ఒకతి మాత్రం నిజం
కవితలు చదివాక కొంత సమయం వరకు బయత ప్రపంచం లొకి రాలెకపొతున్నాను
పదలు లెవు న దగ్గర నిన్ను అభినందిచాలంతె
స్వాతి
ఏంటి ఇన్నాళ్ళా బ్రేక్? అంతా క్షేమమా?
చాలా బాగా రాశారు. :)
దీపు!
ఈ రోజే మీ వ్యాఖ్యానం చూసాను. మీ బ్లాగ్ చూస్తే ఇక్కడే నిలబెట్టి మట్లాడేస్తున్నారు. మీ అక్షరలు కదలనివ్వడం లేదు సుమా! అద్భుతంగా ఉన్నాయి మీ భావాలు.
"వెచ్చదనం మౌనాన్ని కరిగిస్తూ ఉంది...
"
:)
baga rasaru...super
నూతన సంవత్సర శుభాకాంక్షలు :)
- కిరణ్
ఐతే OK
Post a Comment