నేల వంక చూపులు
నిట్టూర్పుకి ఆనవాలు
జీవన సాగరంలో
ఆశా నిరాశల
ధ్యాస అడియాసల ఆటు పోట్లు
ఏకాంత నౌకని ఓలలాడిస్తుంటాయి
వెన్నెల తీరాలని ఎండమావులు చేస్తూ
పున్నమి సమీపిస్తున్న కొద్దీ
ఆ ఆటు పోట్ల చెలగాటం ఉధృతమవుతుంది
ఏకాంతరంగాల్లో అలజడి తీవ్రమవుతుంది
అయినా ఆశల దిక్సూచి పని చేస్తూనే ఉంటుంది
వెన్నెల తీరాన్ని అన్వేషిస్తూ నౌక సాగుతూనే ఉంటుంది
అవును
నేల వంక చూపులు
నిట్టూర్పుకి ఆనవాలు
ఆశని శ్వాసించుకుని
చూపులు నింగిలోకి
అదిగో నవ్వుతూ నెలవంక
7 comments:
బావుందండి దీపు గారూ.నేలవంక చూపులా... సరే :)
"ధ్యాస అడియాసల" అన్నది ప్రాసకోసం రాసారా? ఆ ఒక్కటీ కొద్దిగా చదవడానికి అందులో ఇమిడినట్టు లేదు కానీ భావపరం గా సరిపోతుంది.
చాలా బావుంది. పున్నమి సమీపిస్తున్న కొద్దీ ... ఆ పేరా చాలా బావుంది. :)
నేల వంక, దిక్కుల వంక చూస్తే నెలవంక కూడా దక్కదు. సాహసం చేసి ఆ నింగిలోకి దూసుకెళ్ళారా, ఏ వంకా లేని నిండు జాబిల్లి మీ సొంతం అవుతుంది. :)
@రాధిక గారు
ఆశా నిరాశలు ఆలోచనల వరకే..
ధ్యాస పెట్టినప్పుడే ఆశ నిజమవకపోతే అడియాస కాగలదు. ధ్యాస పెట్టని ఆశకి అడియాస అయ్యే అర్హత ఉండదు. అందుకే ఆ వరస కూడా వుంచాలనిపించింది. :)
@పద్మ గారు
థాంక్స్ అలాట్. మీరు చెప్పిన దానిలో నేను గుర్తించుకోవాల్సిన విషయం ఉంది. :)
:) Beautiful
చాలా బావుంది.
@రవి గారు, నెనర్లు
Post a Comment